The Field By The Lirk O' The Hill
By Violet Jacob
Daytime an’ nicht,
Sun, wind an’ rain;
The lang, cauld licht
O’ the spring months again.
The yaird’s a’ weed,
An’ the fairm’s a’ still –
Wha’ll sow the seed
I’ the field by the lirk o’ the hill?
Prood maun ye lie,
Prood did ye gang;
Auld, auld am I,
But O! life’s lang!
Gaists i’ the air,
Whaups cryin’ shrill,
An’ you nae mair
I’ the field by the lirk o’ the hill –
Aye, bairn, nae mair, nae mair,
I’ the field by the lirk o’ the hill!
This poem is in the public domain.
Discover More Poetry
SIGN UP NOW!
Sign up for our poetry club and we'll let you know whenever we launch a new event, competition or service!
Get On The List
SIGN UP NOW!
Sign up for our poetry club and we'll let you know whenever we launch a new event, competition or service!
Get On The List